بعض المجالس ما تضــم الرجاجيــــل
تضم صدقان الرخـــا والحثـــــــــــــاله
فيها يدور الكاس لا عسعس الليـــــل
وما فيهم اللي ينتمــي للاصــــــــاله
والمجــلس اللي فـاح بنّه مع الهيــــل
يبكي على رجـال الشيم والشكــاله
روّح زمـان اهـل اللحـــى والفناجيـل
ويا كثر من يحسب يمينه شمــــــاله
ما عاد بــه الا الكـــدش والمهـــابيل
ما عاد بــه ناس(ن) عليهـم تكــــاله
استرجلي يـا بـنـت ما به رجاجيل
هذا الزمن حنــا غديــنــا عــيــــاله
استرجلي جعل العـوض فالمقابـيل
وكلن على ما قيــل عـقــله حـــلاله
استرجلي يا ام العيون المظـالــيل
بعض الرجال اليوم يابنت عـــــاله
السالـفـه ما هي تـشبّـه وتطـبـيــل
السالفـــه حمــــله وضـــد السفـاله
وما هي حشا للـه يا نـاس تقـليــل
لكنهــــــا لـلــي مضيــــع عـقــاله
بعض الرجــــال اليوم يحتاج تحليـل
ترى الرجوله اعتمـــــد واستقــاله
استرجلن يالابسات الخلاخــيــل
والقصد واضح والمعـــاني رساله
ليست هناك تعليقات:
إرسال تعليق